Ev. Markus 12 : 28-34
I. Komentar Teks
01.
Sian turpuk jamita i boido idaon namangalusi sungkunsungkun ni
sahalak siboto surat do Jesus, namarsangkap do sibotosurat i laho manulingkit
pangantusion dohot parbinotoan ni Jesus taringot tu haporseaon manang agama.
“Dia do patik na ummangat sian patik i sudena?”, sungkun-sungkun na bangkol do
nian alusan on ala di haporseaon ni Jahudi adong 613 patik, 365 ma on
namanaringoti hata ‘unang’ jala 248 ma na manaringoti hata ‘ingkon’.
02.
Dialusi Jesus do ibana marhite sian natarsurat di 5 Musa 6 : 4-5,
ia patik na ummangat ima: ingkon
haholonganmu Jahowa, Debatam sian nasa roham dohot sian nasa ateatem dohot sian
nasa gogom. Dungi marhie na tarsurat di 4 Musa 19:18 ima ingkon
haholonganmu donganmu jolma songon dirim jala laos disimpuli Jesus do
alusna dohot hata dang adong na ummangat sian patik na dua i.
03.
Sungkun-sungkun na pinasahat ni siboto surat i mangarahan angka
naumbegesa marpingkir, dia do tutu na ummangat sian sude patik i... hata na
ummangat sasintongna ingkon dilapati do tu arah kualitas/bobot ni patik na
mambahen gabe ummangat sian angka patik na asing, ala di pamimgkirion ni Jahudi
memang marasing-asing do bobot ni angka patik i. Alani sungkun-sungkun ni
sibotosurat i naeng manunglingkit pangantusian ni Jesus laho manimbang
bobot/kualitas ni patik manang na asal dipandok Jesus do angka pangajariaon na
i.
04.
Angka siboto surat i tangkas do diboto perbedaan ni bobot ni angka
patik i, jala Jesus pe di Mat 12:1-14 dipatuduhon do adong pangantusion
sisongoni ima taringot tu uhum di ari sabat dipatudos tu na mangulahon holong. Sian
turpuk on boima idaonta diarahon Jesus do angka naumbegesa laho mamangke sandok
roha dohot pingkiran laho mangantusi haporseaon (agama).
05.
Diondolhon Jesus do HASASADAON ni Debata di patik raya na parjolo
asa marhite i naeng paboan ni Jesus ido lapatan na sasintongna sian na
manghaholongi Debata sian saluhut roha, ateate nang pingkiran. Panindangion na
sasadasa do Debata ima manghaholongi dohot komitmen total (Mengasihi dengan
sepenuh-penuhnya).
06.
Di patik raya napaduahon, hata manghaholongi dongan songon
diriniba sandiri dilapati ma i
manghaholongi dongan nampuna pengalaman songon na taalami sandiri. Tontu dinamamolus
parngoluan siganup ari ta adopi do lan angka na paet marsorin-sorin dohot angka
na tonggi, asa ditingki ro angka na tonggi di ngolunta dang halupahononhon
angka dongan na marsitaonon.
07.
Asa boima dohonon: Manghaholongi Debata dipadalan ma i sian
kesadaran penuh, yang keluar dari keyakinan dan tekad yang utuh, jadi dang
satonga-satonga, mardua roha manang na ikut-ikutan alai ingkon marhite
pangantusion (pengertian). Jala manghaholongi dongan (sesama) ima bela rasa ala
pengalaman na sarupa mamolus suka duka di portibion.
08.
Di turpuk jamita on dipaandar do sahat tu alus ni siboto surat na
dohot mangongkuhon hasintongan ni alus ni Jesus, gari tahe ditambai siboto
surat i dope alusna marhite na mandok ummangat do angka na nidok ni Jesus sian
saluhut pelean situtungon dohot pelean na asing. Kesadaran sisongoni do napinangido
ni Jesus tu ganup na umbege Hata na i, jala kesadaran sisongoni do na manaruhon
angka na umbege hata na i tu inganan dang
sadia dao ho sian harajaon ni Debata.
09.
Sian i idaon ma pangantusion na sintong taringot tu patik dohot
ajaran-ajaran (Doktrin dan Dogma) ido na mencipta kemanusiaan na mampu ruar
sian pangantusion na sompit (kefanatikan) tu parngoluon parugamon (kehidupan
beragama). Agama manang haporseaon dang
holan sekedar parmingguon (ibadah), pasahathon pelean alai parugamoon ingkon
mencakup tu haboion memahami (simpati, empati dan bela rasa) tu dongan jolma
songon dongan na sarupa diparmahani Debata. Kesadaran on do namanaruhon hita tu
haboion manghaholongi Debata secara utuh jala on do namanaruhon hita jonok tu
hadirion ni Debata.
II. APLIKASI
Sengaja
do dang digurithon hami aplikasi tu Jamita minggu on